“The Information”-ın məlumatına görə, “Apple” 2023-cü ildə satışa çıxarılacaq tamamilə yeni iPad-i hazırlayır. İddia edilir ki, o, “iPad” və “MacBook” arasında ən böyük planşetidir.Gələcək “iPad”-in 16 düymlük ekrana sahib olacağı bildirilir. “Bloomberg”-dən Mark Qurman bu barədə keçən il, daha böyük ekranlı planşetin buraxılması ehtimalının “Apple” daxilində müzakirə edildiyi zaman yazmışdı. Lakin sonra insayder cihazın 2022-ci ildə buraxılacağına inanırdı. İndi şayiələr 2023-cü ilin sonunda buraxılışa işarə edir.
“Cihaz iPad və MacBook arasındakı sərhədi daha da bulandırır, planşetin ekran ölçüsünü Apple-ın ən böyük noutbukunun ekran ölçüsünə yaxınlaşdırır, o da 16 düymlük panelə malikdir” – məlumatda bildirilir.
Gurman iddia etdi ki, böyük “iPad” ağıllı cihazlar üçün idarəetmə mərkəzi kimi evdə istifadə üçün nəzərdə tutulacaq. Bu yaxınlarda o, “Apple”-ın planşeti güclü akustikaya malik ağıllı displeyə çevirən dok-stansiya üzərində işlədiyini təkrarladı. Bununla belə, şirkətin “macOS”-u “iPad”-ə köçürmək üzərində işlədiyi barədə məlumatlar var idi.
