Amerikanın Apple korporasiyası Apple ID hesabının adını rebrendinq etməyə hazırlaşır – indi o, “Apple Account” adlanacaq. Bu barədə Macrumors şirkət daxilindəki mənbələrə istinadən məlumat yayıb.Yeni ad, məsələn, Apple saytında Apple ID balansına baxmaq üçün artıq istifadə olunur. Gözlənilir ki, Apple 2024-cü ilin sonunda iOS 18 və macOS 15 əməliyyat sistemlərinin buraxılması ilə rebrendinq edəcək.Dəyişikliklər həm şirkətin veb-saytına, həm də sistem proqramlarına təsir edəcək.
Apple ID-si AppStore, iCloud və Apple Music kimi Apple xidmətlərinə daxil olmaq üçün istifadə olunur. Apple ID vasitəsilə Apple xidmətləri ekosistem daxilindəki cihazlar arasında sinxronlaşdırılır.
Bundan əvvəl Apple başqa musiqi xidmətlərindən çalğı siyahıları və mahnıları idxal etməyə imkan verəcək yeni funksiyanı sınaqdan keçirməyə başladı. Şirkət həmçinin Keyframer animasiya generatorunu təqdim etdi ki, onun köməyi ilə statik şəkilləri hərəkət edən şəkillərə çevirə bilərsiniz.
