«Google» şirkəti bu ilin may ayında mobil elektronika üçün yeni əməliyyat sistemini təqdim etməyə hazırlaşır. «ICTinfo.az» «dni24.com»-a istinadən bildirir ki,söhbət istifadəçilərin maraqla gözlədiyi «Android Pineapple» əməliyyat sistemindən gedir.
Maraqlıdır ki,»Android» əməliyyat sistemlərinin istehsalçıları «Oreo»-dan sonra bu dəfə tropik meyvə ananasın adına uyğun olaraq «Pineapple» adını götürməyə qərar verdilər. «Pineapple» əməliyyat sistemi hər il keçirilən «Google I/O» konfransı çərçivəsində təqdim ediləcək.Qeyd edək ki,bu il tədbir mayın 8-dən 10-dək Kaliforniya ştatında keçiriləcək.
«Google» şirkətinin yeni əməliyyat sistemini belə tez təqdim etməsi heç də birmənalı qarşılanmayıb.Çünki bir çox qurğular hələ » Android Oreo» əməliyyat sistemini almayıb.Hər şey təqdimat zamanı bilinəcək.
