“Google” mobil əməliyyat sistemi “Android 7.0 Nougat”nın final versiyasını təqdim edib.“Android Headlines”in verdiyi xəbərə görə, əməliyyat sisteminin əsas yeniliklərindən biri çoxpəncərəli rejimdir. Bu rejimdə istifadəçi eyni anda ekranda bir neçə əlavə ilə işləyə bilər. “Doze” enerji qənaəti funksiyası təkmilləşdirilib, bildirişlər sistemi yenidən işlənib, “Daydream” virtual reallığın inkişafı layihəsi də sistemə daxil edilib.
Əsas yeniliklərdən biri emodzilərin sırasının genişlənməsidir. Siyahı 72 emodzi ilə zənginləşdirilib.
Yeni OC ilə ilk təchiz olunan cihaz “LG V20” olub. Yaxın vaxtlarda “Nexus” seriyasından olan smartfonlar (6P, 5X, 6), eləcə də “Nexus 9” və “Pixel C.” planşetlərində də sistem yenilənəcək.
