Texniki blogger Mishaal Rahman “Android 14”-ün ən son testində yeni maraqlı xüsusiyyət aşkar edib.O, smartfon sahiblərinə üçüncü tərəf proqram təminatı quraşdırmadan öz cihazlarını yüksək şəkil keyfiyyətinə malik veb-kamera kimi istifadə etməyə imkan verəcək.
Mənbənin sözlərinə görə,smartfon sadəcə USB port vasitəsilə noutbuk və ya fərdi kompüterə qoşulacaq. Funksiya UVC veb-kameralarını dəstəkləyən və əlavə sürücülərin və ya digər proqram təminatının quraşdırılmasını tələb etməyən istənilən proqramla işləyəcək. Bu halda smartfon standart “veb-kamera” kimi müəyyən ediləcək, ona görə də ondan istifadə edən demək olar ki, istənilən proqrama uyğun olacaq.
Yeni funksiyanın hansı smartfonların dəstəklənəcəyi hələlik məlum deyil. Bununla belə, Chrome Unboxed portalının sənaye mənbələrinə istinadən verdiyi məlumata görə, yenilik “Android 14”-ə xidmət kimi əlavə olunacaq. Bu o deməkdir ki, mobil ƏS-nin yeni versiyasını dəstəkləyən demək olar ki, bütün smartfonların sahibləri müvafiq funksiyadan istifadə edə biləcəklər.
