Johns Phones portalı dünyanın ən məşhur smartfon markaları haqqında geniş hesabat təqdim edib. Bunun üçün komanda 65 ölkədə müxtəlif istehsalçıların bazar payını öyrənərək, müxtəlif şirkətlərin populyarlığını göstərən interaktiv xəritə yaradıb.Xəritə 2023-cü ilin oktyabr ayına qədər pərakəndə satıcıların məlumatlarından istifadə etməklə tərtib edilib. 
Təhlil edilən məlumatlara əsasən, “Apple” 29 ölkədə üstünlük təşkil edir, o cümlədən Avstraliya (61,42%), Yaponiya (70,23%), İslandiya (56,47%), Rusiya (30,3%), Böyük Britaniya (53,10%) və ABŞ (56,64%). Samsung İsrail (49,35%), Meksika (23,85%), Polşa (33,75%) və Cənubi Koreya (67,72%) kimi 26 ölkədə birinci yerdədir. Xiaomi smartfonları xüsusilə Yunanıstan, İspaniya və Hindistanda populyardır.
Eyni hesabatda bildirilir ki, 2023-cü ilin birinci yarısında ən çox satılan smartfonlar iPhone 14 Pro Max (26,5 milyon), iPhone 14 Pro (21 milyon) və iPhone 14 (16,5 milyon) olub.
