Omdia analitik şirkəti OLED matrislərinin tədarükü ilə bağlı proqnoz dərc edib. Bu hesabata görə, bir neçə il ərzində tədarüklər yeddi dəfə artacaq.Buna səbəb “Apple”-ın bu tip ekranlara tam keçididir. Şirkətin əməkdaşları yeni displeylər alacaq Amerika brendinin cihazlarını siyahıya salıblar.
Mənbənin sözlərinə görə, indi OLED matrislərinin tədarükü ildə 9,7 milyon ədəddir və proqnozlara görə,bu rəqəm 2028-ci ilə kimi 70 milyona çatacaq. Gələn il daşımalarda nəzərəçarpacaq artımın başlayacağı gözlənilir. Şayiələrə görə, eyni zamanda, 11 və 13 düymlük “iPad Pro” “OLED” displeyləri alacaq. Analitiklər həmçinin hesab edirlər ki,”Apple” 2026-cı ildə 14 və 16 düymlük “MacBook Pro”-larda, 2027-ci ildə isə 32 düymlük “iMac”-larda eyni şeyi edəcək.
Bu vaxta qədər “Apple”-ın kataloquna “OLED” displeyli yeni qurğuların daxil olacağı gözlənilir: 20 düymlük qatlanan “iPad” və 42 düymlük “iMac”. Proqnozlara görə, 2027-ci ilə qədər “Apple”-da mini-LED panelləri olan qurğular olmayacaq, IPS qadcetlərindən isə şirkət yalnız 10,9 düymlük “iPad” və 27 düymlük “iMac” təklif edəcək.”Apple” nədənsə analitiklərin proqnozunu şərh etməyib.
