Dünyanın ən bahalı brendlərinin adları məlum olub.”Amazon” brendinin dəyəri 415 milyard dollar olmaqla birinci yeri tutub.Ötən illə müqayisədə bu 132 milyard dollar çoxdur.”ICTinfo.az” “dailycomm.ru” saytına istinadən yazır ki, araşdırmaya əsasən, “Amazon” şirkəti rəqəmsallaşmaya və oflayn ticarətin inkişafına aktiv sərmayə yatırmağa davam edir.”Amazon” brendi artıq ikinci il ardıcıl dünyada ən bahalı brend elan edilir.
İkinci yeri 352,2 milyard dollar (+14%) göstəriciyə malik “Apple” şirkəti tutub.”Google” (323,6 milyard dollar) şirkətini reytinqdə qabaqlamış “Microsoft” (326,5 milyard dollar) şirkəti üçüncü yeri tutub. “Microsoft” və “Google” brendlərinin dəyəri bir il ərzində müvafiq olaraq 30% və 5% bahalaşıb. “Microsoft” brendinin dəyərinin artmasını mütəxəssislər “COVID-19” pandemiyası şəraitində “Microsoft Teams” korporativ messencerinin populyarlığının artması ilə izah edirlər.
Ən bahalı brendlərin onluğuna, həmçinin “Alibaba” (6-cı yer, dəyəri 152,5 milyard dollar), “Tencent” (7-ci yer, 151 milyard dollar) və “Facebook” (8-ci yer, 147,2 milyard dollar) texnologiya şirkətləri daxil edilib.
