“Eviation” İsrail-ABŞ şirkəti 11 nəfərlik sərnişin tutumuna malik “Alice” elektrik təyyarəsinin kütləvi istehsalına başlayacaq.İlk sınaq yürüşlərindən sonra yaranan tələbat bunu deməyə əsas verir.Təyyarə batareya enerji ilə tam doldurulduqdan sonra uçuş məsafəsi 506 mil (814 km) təşkil edir.Lakin bunun üçün təyyarənin uçuş kütləsinin yarısına sahib göyərtə litium akkumulyator yaratmaq lazım olub.“ICTinfo.az” “3DNews.ru” resursuna istinadən yazır ki,“Alice” elektrik təyyarəsinin göyərtə litium batareyasının çəkisi 3 720 kq, təyyarənin üçüş kütləsi 6 669 kq təşkil edir. Akkumulyator tutumu 820 kilovat-saata bərabərdir. “Alice” təyyarəsinin kreyser sürəti 407 km/saat təşkil edir.
Uçuş zamanı hərəkət qüvvəsini üç itələyici mühərrik yaradır – onların ikisi qanadların ucunda, üçüncüsü təyyarənin arxa hissəsində yerləşir. “V” hərfi şəklində olan quyruq və yastı füzelyaj əlavə qaldırıcı qüvvə yaradacaq ki, bu da enerji ilə tam doldurulan akkumulyatorla rekord uçuş məsafəsinə öz töhfəsini verəcək.
Gələcək sınaqların nə vaxt keçiriləcəyi barədə məlumat verilmir.
