“overclockers.ru” saytının məlumatına görə, indiyədək bir çox şirkətlər bazarda öz mövqelərini möhkəmlətmək üçün müxtəlif adda sub-brenddlər yaradırdı. İndi isə tərsinədir, onlar bu sub-brendlərdən imtina edir və yeni strateji tərəfdaşlar axtarmağa başlayıblar.
Çin şirkətləri fəal olaraq sub-brendlər yaradırdılar. Belə ki, “Huawei” şirkətinin “Honor”, ZTE şirkətinin “Nubia”, “Gionee” şirkətinin INUI, “Lenovo” şirkətinin “Zuk” və sair kimi sub-brendləri mövcuddur. Amma “Honor”dan başqa heç bir sub-brend uğur qazana bilməyib. Belə ki, “Nubia” brendi altında ZTE smartfonlarının yalnız dördə bir hissəsi satılır. Bunun üçün də “Nubia”nın səhmlərinin üçdə biri Çinin “Suning” şirkətinə təxminən 293,5 milyon dollara satılıb.
“Zuk” sub-brendinə gəldikdə, demək olar ki, bu, “Lenovo” və “Baidu” şirkətlərinin birgə məhsuludur və şirkət smartfon bazarına olduqca gec çıxıb. “ZUK Z1” smartfonu alıcıların marağını cəlb edə bilməyib. Buna görə də yaxın zamanlarda çox güman ki, “Lenovo” bu brendin istifadəsini dayandıracaq.
“Oppo” şirkətinin törəmə şirkəti olan “OnePlus” isə əməkdaşlarının bir hissəsini ixtisar etməli olacaq. Buna səbəb isə bu brenddən olan smartfonların Çinin xaricində satış səviyyəsinin gözlənilənlərdən də aşağı olmasıdır. Bundan başqa, mənbə bildirir ki, gələcəkdə “OnePlus” brendi “Oppo” ilə birləşəcək.
