“Apple” korporasiyası növbəti təqdimata hazırlaşır. Artıq oktyabrın 27-də keçiriləcək tədbir üçün dəvətnamələr göndərilib.Təqdimatın sloqanı “Hello again” (“Bir daha salam”) olub. Media bununla ilk kompüter olan “Macintosh”a işarə vurulduğunu bildirir, 1984-cü ildə təqdim olunan həmin kompüterin ekranında qrafik redaktorla “hello” sözü yazılmışdı.
Keçiriləcək təqdimatın “Apple”ın Kupertinodakı korpusunda son təqdimat olacağı xəbər verilir. Korporasiya bundan sonra tədbirlərini başqa yerdə keçirəcək.
Xatırladaq ki, daha əvvəl “Apple”ın yeni “Mac” kompüterlərini təqdim edəcəyi haqda xəbərlər yayılmışdı.
