AnTuTu tərtibatçıları flaqman Android smartfonlarının performans reytinqlərini yenilədilər. Ötən ayla müqayisədə test nəticələrində minimal fərqlər olsa da, ilk 10-luq dəyişib.
Avqust ayında Overclocked Snapdragon 8 Elite Gen5 prosessoru ilə RedMagic 11S Pro+ orta hesabla 4.118.689 xal toplayaraq birinci yeri tutdu. iQOO 15 Ultra 4.118.578 xalla ikinci, RedMagic 11 Pro+ isə 4.049.580 xalla ilk üçlüyü tamamladı.
iQOO 15 dördüncü yerdə qərarlaşdı (4.047.631 xal). Siyahıda sonrakı yerlərdə peyk bağlantısı olan vivo X300 Ultra (3.984.744 xal), realme GT8 Pro (3.966.847 xal), Honor Win (3.936.207 xal) və REDMI K100 Pro Max (3.887.994 xal) gəlir.
Doqquzuncu yeri 3.873.593 xalla OPPO Find X9 Ultra, onuncu yeri isə Honor Magic8 (3.820.663 xal) tutub. Bu cihazların hamısı Snapdragon 8 Elite Gen5 və ya onun overclock edilmiş versiyasından istifadə edir.
