Müstəqil araşdırma qurumu olan Juniper Research tərəfindən dərc olunan son hesabata əsasən, Mastercard süni intellekt assistentlərinin istehlakçı adından alış-veriş və ödəniş edə bildiyi “Agentic Commerce” (Süni İntellekt Dəstəkli Ticarət) bazarında ödəniş infrastrukturu təminatçıları arasında bütün rəqiblərini geridə qoyaraq qlobal lider seçildi.
Bakı, Azərbaycan – 2026: Mastercard, süni intellektin e-ticarət və maliyyə əməliyyatlarındakı rolunu tamamilə dəyişdirən yeni bir dövrdə uzaqgörən liderliyini beynəlxalq səviyyədə təsdiqlədi. Nüfuzlu bazar araşdırma şirkəti olan Juniper Research tərəfindən 2026-cı ilin aprel ayında dərc olunan “Agentic Commerce Market 2026-2031” hesabatına görə Mastercard, ödəniş infrastrukturu təminatçıları kateqoriyasında potensial, innovasiya və bazar nüfuzu meyarları üzrə ən yüksək bal toplayaraq “Korporativ Lider” (Established Leader) statusu ilə dünya birincisi oldu.
Şəxsi süni intellekt assistentlərinin yalnız istifadəçilərə məhsul tövsiyə etməklə kifayətlənməyərək, müəyyən edilmiş limitlər və icazələr daxilində istifadəçi adından bazar araşdırması aparan, qərar verən və ödənişi tamamlayan bu yeni ekosistem hesabatda gələcəyin ticarəti kimi səciyyələndirilir. Alış-veriş və ödəniş təcrübəsində inqilab yaradan yeni dövrün süni intellekti, istifadəçilərin təsdiqlədiyi büdcələr çərçivəsində satın alma əməliyyatlarını həyata keçirə bilir. Mastercard isə bu sahədə innovativ potensialını artıq praktik tətbiqlərlə nümayiş edir.
Avropanın ilk canlı süni intellekt ödənişi və üstün dərəcəli təhlükəsizlik
Juniper Research öz hesabatında Mastercard-ın bu sahədəki liderliyinin mühüm sübutu kimi, şirkətin bazara erkən təqdim etdiyi innovativ məhsullar və qlobal qəbul infrastrukturunun genişliyi göstərilir. Hesabatda, sektordakı bir çox qurum hələ sınaq mərhələsindəykən, Avropada süni intellekt assistenti tərəfindən həyata keçirilən ilk başdan-başa canlı ödəniş əməliyyatının Mastercard infrastrukturu vasitəsilə uğurla tamamlandığı xüsusilə vurğulanır. ABŞ-da istifadəsinə başlanılan “Mastercard Agent Pay” şəbəkəsinin 2026-cı ilin əvvəli etibarilə qlobal səviyyədə yayıldığı bildirilir.
İstehlakçıların müstəqil ticarətin inkişafıyla əlaqədar əsas narahatlıqları olan təhlükəsizlik və nəzarət ehtiyacları isə “Mastercard Agentic Tokens” texnologiyası ilə həll olunur. Hesabatda innovativ dönüş nöqtəsi kimi qeyd edilən bu texnologiya istifadəçinin kimliyini, süni intellekt üçün təyin etdiyi xərcləmə limitlərini və alış niyyətini şifrələyir. Əməliyyatların şəffaf və təhlükəsiz mühitdə həyata keçirilməsini təmin edən bu infrastruktur istehlakçı təhlükəsizliyini ən yüksək səviyyəyə çatdırır.
Texnologiya nəhəngləri ilə tərəfdaşlıqlar və “Agent Suite” dövrü
Süni intellekt dəstəkli ticarətin standartlarını müəyyən edən Mastercard, ekosistemi genişləndirmək məqsədilə texnologiya nəhəngləri ilə qurduğu güclü tərəfdaşlıqlarla da diqqət çəkir. Universal Ticarət Protokolunun (UCP) dəstəklənməsi və Microsoft Copilot Checkout sisteminə inteqrasiya sayəsində istifadəçilərə “chat” ekranından ayrılmadan dərhal alış-veriş etmək imkanı yaradılır. PayPal ilə əməkdaşlıq nəticəsində istehlakçılar rəqəmsal pul kisələri vasitəsilə süni intellekt assistentlərinə Mastercard kimlik məlumatları ilə təhlükəsiz xərcləmə səlahiyyəti verə bilirlər. 2026-cı ilin ilk rübündə tanıdılan “Agent Suite” platforması ilə pərakəndə satıcılar və banklar, mürəkkəb kodlaşdırma proseslərinə ehtiyac duymadan özlərinə məxsus süni intellektli alış-veriş assistentlərini yarada bilirlər.
Juniper Research tərəfindən yeni üfuqlər açan bu sahədə dünyanın bir nömrəli lideri seçilməsi, Mastercard-ın rəqəmsal iqtisadiyyatın gələcəyini formalaşdırmaq gücünün bariz göstəricisidir. Azərbaycan rəqəmsal transformasiya gündəliyini irəli aparmağa davam etdikcə, Mastercard-ın qlobal təcrübəsi və texnologiyaları istehlakçılar, bizneslər və daha geniş ekosistem üçün daha ağıllı, təhlükəsiz və rahat ödəniş təcrübələrinin inkişafını dəstəkləyə bilər.
Mastercard haqqında
Mastercard 200-dən artıq ölkə və ərazidə iqtisadiyyatları gücləndirir və insanlara dəstək verir. Müştərilərimizlə birlikdə hər kəsin rifah tapa biləcəyi davamlı bir iqtisadiyyat qururuq. Biz rəqəmsal ödənişlərin geniş spektrini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiya və innovasiyalarımız, tərəfdaşlıqlarımız və şəbəkələrimiz insanların, bizneslərin və hökumətlərin öz potensiallarını tam şəkildə reallaşdırmasına kömək edən unikal məhsul və xidmətlər toplusu təqdim edir.
Daha çöx məlumat almaq üçün:
Medyaevi İletişim, Güven Adalı gadali@medyaevi.com.tr & Erdem Baltacı ebaltaci@medyaevi.com.tr
