Google yeni Pixel 10 smartfonları, ağıllı saatlar, simsiz qulaqlıqlar və digər yeni məhsulların elan edilməsi gözlənilən tədbir üçün mətbuata dəvətlər göndərməyə başladı.Təqdimat avqustun 20-də, Bakı vaxtı ilə saat 20:00-da baş tutacaq.
Təqdimat zamanı şayiələrə görə, iki deyil, üç əsas kamera alacaq Pixel 10 smartfonunun əsas versiyasının elan ediləcəyi gözlənilir. Bundan əlavə, qabaqcıl Pixel 10 Pro və Pixel 10 Pro XL modellərinin elanı gözlənilir. Şirkət həmçinin tam toz keçirməyən qatlana bilən Pixel 10 Pro Fold təqdim edə bilər.
Pixel Watch 4-ün də sələfindən daha böyük batareyaya və daha qalın profilə sahib olacağı gözlənilir. Google-un hansı simsiz qulaqlıqları təqdim edə biləcəyi haqqında çox az məlumat var. Bəzi məlumatlara görə, bunlar ucuz Pixel Buds 2a ola bilər.
Çox güman ki, yeni cihazların təqdimatı Google-un YouTube kanalında yayımlanacaq.
