Vergilər Nazirliyində “Tax free” sisteminin ölkə ərazisində praktiki tətbiqi” mövzusunda təlim keçirilib. Təlimdə Vergilər Nazirliyinin, Dövlət Gömrük Komitəsinin və digər aidiyyəti qurumların əməkdaşları iştirak edib.
Xatırladaq ki, dövlət başçısının 4 avqust 2016-cı il tarixli Sərəncamı ilə təsdiq edilmiş “2016-cı ildə vergi sahəsində aparılacaq islahatların istiqamətləri”nə uyğun olaraq, Azərbaycan Respublikası ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması (“tax free”) sisteminin Heydər Əliyev adına Bakı beynəlxalq hava limanından başqa digər sərhəd buraxılış məntəqələrində də tətbiq olunması nəzərdə tutulur.
Təlimin keçirilməsində məqsədin, ilk növbədə, ölkə başçısının Sərəncamından irəli gələn tapşırıqların yerinə yetirilməsi və, eyni zamanda, “tax free” sisteminin Bakı beynəlxalq hava limanından başqa digər sərhəd buraxılış məntəqələrində də tətbiq olunması istiqamətində görülən işlər barədə təlim iştirakçılarını məlumatlandırmaq və izahı tələb olunan məsələlər ətrafında müzakirələr aparılması olub.
