Microsoft şirkəti gündəlik planlaşdırma üçün süni intellekti dəstəkləyən Genee xidmətini satın alıb. Sözügedən xidmət Office 365 proqram paketinə inteqrasiya edilə bilər.Proqram nəhənginin məlumatına görə, Genee xidməti təbii dili başa düşür və qərarların qəbulu üçün optimallaşdırılmış alqoritmlərdən istifadə edir.
İstifadəçi görüş planlaşdırarkən təqvimə əsaslanan assistent cədvəldən boş gün seçir və smartfon sahibinin görüşmək istədiyi şəxsə bu barədə xəbərdarlıq göndərir.
Genee tətbiqinin Microsoft-un xidmətlərinə inteqrasiya ediləcəyi tarix, hələ ki, məlum deyil.
