“Caspel” MMC 2023-cü ili 3 milyon 10 min manat xalis mənfəət ilə başa vurub. Şirkət 2022-ci ili 835 min manat xalis mənfəət ilə bağlamışdı. Beləliklə, ötən il “Caspel” MMC-nin xalis mənfəəti 2 milyon 175 min manat və ya 3,6 dəfə artıb.
ICTinfo.az şirkətin konsolidə edilmiş maliyyə hesabatına istinadən xəbər verir ki, “Caspel” MMC-nin əsas əməliyyat gəliri 2022-ci ildə 15 milyon 568 min manat ikən, 2023-cü ildə 26 milyon 549 min manata yüksəlib (10 milyon 981 min manat və ya 70,5% artıb).
31 dekabr 2023-cü il tarixində “Caspel” MMC 14 milyon 69 min manat cəmi aktivlərə malik olub.
Qeyd edək ki, “Caspel” şirkəti İKT infrastrukturunun qurulması, idarəolunması və təkmilləşdirilməsi üçün kompleks həllər təklif edir.
