Google şirkəti Android mobil əməliyyat sisteminin ən son versiyasını buraxıb.Beləliklə, şirkət tərtibatçılara giriş imkanı verməklə, proqram təminatının imkanlarını təkmilləşdirməyə çalışır. Eyni zamanda, adi istifadəçilərin “yaşıl robot”un ən son quruluşunu nə vaxt alacağı məlum olub.
Google erkən işə salınmasını onunla izah edir ki, tərtibatçıların əməliyyat sisteminin bütün mövcud funksiyalarından istifadə edərək Android 15-də tətbiqlərini optimallaşdırmaq üçün daha çox vaxtları olacaq. Bu məqsədlə Android-in texniki xüsusiyyətlərini ön plana çıxaran Spotlight Weeks adlı yeni təhsil proqramı istifadəyə veriləcək.
Pixel seriyalı smartfonlarda Android 15-in buraxılışı bu ilin oktyabrında baş tutacaq, baxmayaraq ki, dəqiq tarix hələ açıqlanmamışdır. Samsung, Honor, iQOO, Lenovo, Motorola, Nothing, OnePlus, OPPO, realme, Sharp, Sony, TECNO, vivo və Xiaomi kimi digər istehsalçıların cihazları yaxın aylarda Android 15-ə yenilənəcək.
