Berkli Kaliforniya Universitetinin tədqiqatçıları beyin fəaliyyətini izləməklə insanda yuxululuq əlamətlərini aşkar edə bilən qulaqlıq hazırlayıblar. Qadcet elektroensefaloqramma prinsipi ilə işləyir. Ancaq ənənəvi EEG-dən fərqli olaraq, elektrodlar birbaşa qulaqlıqlara quraşdırılır və qulaq kanalı ilə təmasda olur.
Qulaqlıqların EEG kimi klassik istifadəsi çətinliklərlə doludur. Dəqiq ölçmələr üçün elektrodlar dəri ilə yaxşı təmasda olmalıdır. Gel və ya fərdi əlavələrdən istifadə edən analoqlardan fərqli olaraq, alimlər universal geyilə bilən qurğu hazırlamağı qarşılarına məqsəd qoyublar.
Müəlliflər qulaq kanalına yumşaq bir şəkildə basa bilən çoxlu elektrodlu üç ölçüdə qulaqlıq hazırlayıblar. 2020-ci ildə onlar həmçinin qulaqlıqların göz qırpmalarını, alfa dalğalarını və eşitmə reaksiyalarını aşkar edə bildiyini göstərdilər. Yeni araşdırmada onlar dizaynı təkmilləşdirdilər və onu real dünya şəraitində sınaqdan keçirmək üçün maşın öyrənməsindən istifadə etdilər.
Belə bir gurğudan gələn siqnalın keyfiyyəti alfa dalğalarının işini müəyyən etmək üçün kifayətdir, gözlərinizi yumduğunuzda və ya yuxuya getməyə başlayanda güclənir. Texnologiya yuxunu təhlil etmək və yuxu pozğunluqlarına diaqnoz qoymaq üçün istifadə edilə bilər. Məlum olub ki, qulaqlıqlar hətta siqnalın keyfiyyəti aşağı düşəndə belə, yuxululuq əlamətlərini dəqiq qeyd edib.
Müəlliflər dizaynı təkmilləşdirmək və qadcetin funksional imkanlarını genişləndirmək niyyətindədirlər ki, o, ürək döyüntülərini və göz hərəkətlərini aşkar edə bilsin.
