Apple iPhone 9-cu ilində önəmli yeniliyə imza atdı.Apple CEO-su Tim Cook dünən şirkətin Kaliforniyadakı ümumi mərkəzində təşkil edilən yığıncağında Apple-ın bir milyardıncı iPhone-nunu satdığını bildirib.1 milyardıncı iPhone xəbəri Apple-ın iPhone satışları mövzusunda son dövrdə verdiyi ən yaxşı xəbərdir. Çünki son vaxtlar Apple-ın iPhone satışlarındakı geriləmə davam edir.
Nəticələrə görə, 25 iyunda, sona çatan üç aylıq dövrdə Apple 40 milyondan çox iPhone satıb.Ötən ilin eyni dövründə bu sayı 47 milyondan çox idi. Ancaq şirkət gözləntilərdən artıq satmağı bacarıb. Çünki Apple-ın iPhone satışlarının 40 milyonla məhdud qalacağı təxmin edilirdi.
