Samsung Galaxy smartfonlar ailəsini iki ucuz modellə — Galaxy A15 və A25 5G ilə genişləndirdi. Yeni məhsulların özəlliyi güc düyməsinin tanınan forması ilə korpusun yenilənmiş dizaynıdır. Şirkət həmçinin cihazların xüsusiyyətlərini, qiymətlərini və satışa başlama tarixlərini açıqlayıb.
Hər iki modeldə güc və səs düymələri ətrafında xarakterik girinti olan düz gövdələr var. Bu element Key Island adlanır. Samsung Galaxy A25 5G Full HD+ təsvir ölçüsünə, 120 Hz təzələnmə tezliyinə və 1000 nit-ə qədər parlaqlığa malik 6,5 düymlük AMOLED displeylə təchiz edilib. Yeni məhsulun aparat platformasına Exynos 1280 prosessoru, 6/8 QB əməli yaddaş və 128 QB-lıq disk daxildir.
Smartfonun əsas kamerasının təsvir ölçüsü 50 meqapiksel (OIS), ultra geniş kamerası 8 meqapiksel, fon bulanıqlığı sensoru isə 2 meqapikseldir. 13 meqapiksellik ön kamera ekranın yuxarı mərkəzində U formalı çentikdə yerləşdirilib. 25 vatt sürətli doldurma funksiyasına malik 5000 mAh batareya cihazın avtonomiyasına cavabdehdir.
Galaxy A15 iki versiyada təklif olunur: LTE və 5G şəbəkələri üçün dəstək. Birincisi MediaTek Helio G99 prosessoruna əsaslanır və 8/128 GB və 8/256 GB konfiqurasiyalarda mövcuddur. İkincisi Dimensity 6100+ çipi və 8/256 GB sabit yaddaş tutumu aldı. Hər bir variantda smartfon 1080×2340 piksel təsvir ölçülü 6,5 düymlük sAMOLED ekrana, 90 Hz təzələnmə tezliyinə və 800 nit-ə qədər parlaqlığa malikdir.
Yeni məhsulun akkumulyatorunun tutumu 5000 milliamper/saatdır, 25 vatt sürətli enerji doldurmanı dəstəkləyir. Smartfonun əsas kamerasının təsvir ölçüsü 50 meqapiksel, ultra geniş, ön və fon bulanıqlığı sensorları isə müvafiq olaraq 5, 13 və 2 meqapikseldir.
Hər iki model dekabrın 16-da Vyetnamda satışa çıxarılacaq. Galaxy A15 4G 200 dollara, 5G modifikasiyası 259 dollara, Galaxy A25 5G isə 271 dollara başa gələcək.
