“İnstagram” mətnin avtomatik tərcümə edən yeni funksiyasını işə salacaq

Yaxın zamanlarda “İnstagram” sosial şəbəkəsi mətnin avtomatik tərcümə edən yeni faydalı funksiyasını işə salacaq. “freestocks.org” saytının məlumatına görə, gələn ay “İnstagram” istifadəçiləri xarici dillərdən mətnin tərcümə edilməsi üçün yeni xüsusi düymədən istifadə edə biləcəklər. Bu funksiya xəbər lentində və profillərdə fəaliyyət göstərəcək.Şərhlərin və profilin bütün yazıları sosial şəbəkədə qeydiyyatdan keçən insanın ayarlarda seçdiyi dilə tərcümə ediləcək. Yeni “Tərcüməni göstər” düyməsini şərhlərin və yazıların altında  tapmaq mümkün olacaq.

Qeyd edək ki, bu cür funksiya artıq uzun müddətdir “Facebook” və “Twitter” kimi sosial şəbəkələrdə mövcuddur.

Xatırladaq ki, bu günlərdə “İnstagram” sosial şəbəkəsinin istifadəçi auditoriyasının sayı aylıq 500 milyon nəfərə çatıb. Onlar təxminən sutkada 4,2 milyard layk qoyurlar.