“Recurrent Auto” şirkəti 15 000 yeni avtomobil üzərində tədqiqatlar apararaq onların akkumulyatorlarının vəziyyətini araşdırıb.Və nəticələr batareyaların qısa ömürlü olması və tez-tez dəyişmək tələb etdiyinə dair deyilən məşhur fikirlərin əksinə olub.
Araşdırmaya görə, avtomobillərin yalnız 1,5%-nin batareyaları problem və ya nasazlıq səbəbindən dəyişdirilib və həmin modellər (Tesla Model S və Nissan Leaf) 12 il əvvəl buraxılıb. Hesabatda həmçinin qeyd olunur ki, akkumulyatorların köhnəlməsi səbəbindən dəyişdirilməsi bir neçə ildən sonra həyata keçirilir və deqradasiya yavaş-yavaş və davamlı olaraq baş verir. Bu o deməkdir ki, batareyalar səkkiz illik istifadədən və ya bəzi istehsalçıların 150.000 km zəmanət müddətindən sonra birdən-birə sıradan çıxmır. Beləliklə, batareyanın dəyişdirilməsi üçün minlərlə dollar xərcləmək riski çox mücərrəd görünür – bunu batareyanı dəyişdirmədən yüz minlərlə kilometr qət edən ilk Tesla Model S sahibləri də təsdiqləyir.
Lakin elektrikli avtomobil akkumulyatorlarının başqa çatışmazlıqları var ki, onları artıq mif adlandırmaq olmaz. Xüsusilə, bunlar onların istehsalı üçün lazım olan qıt litium, akkumulyatorların toksikliyi və onların utilizasiyası problemləri, avtomobillərin enerji ilə doldurulması üçün zəif inkişaf etmiş infrastruktur, enerji ehtiyatının temperaturdan asılılığı və yanğının söndürülməsində çətinlikdir. Amma elektromobil sənayesi gəncdir, ona görə də bu problemlər başa düşüləndir və gələcəkdə tamamilə həll oluna bilər.
