“Apple” şirkəti klassik musiqi sevərlər üçün nəzərdə tutulmuş yeni “Music Classical” xidmətinin istifadəyə verildiyini elan edib. Şirkət buraxılış tarixini açıqlayıb, həmçinin texniki imkanları, giriş şərtləri və abunəçilər üçün kitabxananın həcmi barədə danışıb.
“Apple” şirkətinin məlumatına görə, “klassik” kolleksiyaya 5 milyondan çox trek, minlərlə eksklüziv albom və redaktor qeydləri, o cümlədən bəstəkarın tərcümeyi-halı, həmçinin əsas əsərlərin təsviri və digər materiallar daxildir. Xidmət 192 kHz/24 bitə (Hi-Res) qədər səs keyfiyyəti vəd edir. İstifadəçilər üçün Klassik Musiqi kitabxanası martın 28-dən,”Apple Music” abunəçiləri isə pulsuz olaraq istifadəyə veriləcək.
Şirkət qeyd edir ki, xidmət yalnız “iPhone”-da və “Apple Music” abunəliyinin aktiv olduğu ölkələrin bazarlarında istifadəyə veriləcək.Proqramın “iPad” üçün xüsusi versiyası yoxdur.
“Music Classical”-ın təqdimatı ilk dəfə şirkətin 2021-ci ildə Primephonic-i satın almasından sonra elan edildi. Eyni zamanda,”Apple” onu 2022-ci ilin sonuna qədər təqdim edəcəyini vəd etsə də, nəzərdə tutulan müddətlərə əməl etməyib.
