«Vivo» şirkəti Y55s 5G smartfonunun qlobal versiyasının satışına başladığını elan edib. Maraqlıdır ki, bu, artıq Vivo tarixində bu adda üçüncü smartfondur: Y55s adı altında ilk versiya 2017-ci ildə, Y55s 5G modeli isə 2021-ci ildə buraxılıb.
Bununla belə, Y55s 5G 2023-ün qlobal versiyası ilə keçmiş Y55s 5G 2021 arasındakı fərq o qədər də böyük deyil. Əsas fərq akkumulyatorun aşağı tutumundadır — yenilik 5000 mAh batareyaya malikdir, əvvəlki modeldə isə 6000 mAh batareya var.
Y55s 5G 2023 6,58 düymlük Full HD+ (2408 × 1080 piksel) LCD displeylə, üstündə 8 meqapiksellik f/1,8 aperturalı kameraya malikdir. Smartfon 2,2 QHs-ə qədər takt tezlikli səkkiznüvəli MediaTek Dimensity 700 prosessoru, ARM Mali-G57 MC2 qrafik sürətləndiricisi və 5G modemi əsasında qurulub. Operativ yaddaşın miqdarı 4 və ya 6 GB RAM, fləş sürücünün tutumu 128 GB-dır. Y55s 5G 2021-dən fərqli olaraq, yeni modeldə 8 GB RAM seçimi yoxdur.
Smartfonda həmçinin iki SİM 5G dəstəyi, ikizolaqlı Wi-Fi 802.11ac, Bluetooth 5.1 adapteri, OTG dəstəyi ilə USB Type-C portu, FM radio, NFC çipi və yan tərəfə quraşdırılmış barmaq izi skaneri var. Əsas kameraya 50 meqapiksellik f/1.8 apertura sensoru və makro fotoqrafiya və səhnə dərinliyinin ölçülməsi üçün iki əlavə 2 meqapiksellik f/2.4 apertura sensoru daxildir.
Smartfon 18 Vt doldurmanı dəstəkləyir. Onun korpus ölçüləri 164 × 75.84 × 8.25 mm, çəkisi 187 qramdır.4/128 GB-a malik Y55s 5G modelinin qiyməti 263 dollar, 6/128 GB yaddaşa malik Y55s 5G versiyasının qiyməti 280 dollardır.
