“Samsung” məişət texnikası ailəsi “Bespoke AI Oven” adlı qeyri-adi quraşdırılmış soba modeli ilə tamamlanıb. Öz sinfi üçün temperaturun avtomatik tənzimlənməsi kimi adi smart funksiyalara əlavə olaraq, cihaz yemək prosesini dostlara, qohumlara və ya daha geniş auditoriyaya yayımlamağa imkan verən kamera əldə edib.Yeniliyin əsas xüsusiyyəti daxili veb-kameradır. O, sosial şəbəkələrdə abunəçilərlə müxtəlif yeməklərin fotolarını paylaşmağa, həmçinin bişirmə prosesinin canlı yayımını aparmağa imkan verəcək. Qabaqcıl proqram təminatı sayəsində soba 80 müxtəlif reseptə uyğun olaraq temperatur əyrisini optimallaşdıra bilir və istifadəçini qidaların yanma riski barədə xəbərdar edir.
Samsung Health xidməti ilə inteqrasiya sayəsində yenilik sahibinin “tibbi” göstəricilərinə uyğun olaraq düzgün qidalanma ilə bağlı tövsiyələr verə bilir. Bundan əlavə, yenilik smartfondan uzaqdan idarəetməni dəstəkləyir və cihazın özündə 7 düymlük rəngli displeylə təchiz olunub ki, bu da yemək bişirmə prosesini qapını açmadan gözlə idarə etməyə imkan verir.
Samsung Bespoke AI Oven bu ilin sonunda Şimali Amerika bazarında satışa çıxarılacaq, ağıllı sobanın qiyməti hələ istehsalçı tərəfindən açıqlanmayıb.
