«Neuralink» startapının sahibi İlon Mask ddia edir ki, beyin çipləmə texnologiyasının insan üzərində sınaqlarına başlanması üçün demək olar ki, bütün sənədlər hazırdır. İş adamı bu cür sınaqların başlaması üçün gözlənilən tarixləri qeyd edib və şirkət manekendə beyinə elektrodların daxil edilməsi prosesini, düşüncə gücü ilə noutbuku idarə edən meymunu nümayiş etdirib.
Tematik konfrans zamanı Neuralink nümayəndələri 15 dəqiqə ərzində beyinə cihaz implantasiya edəcək robotdan danışıblar. Maskın proqnozu doğru çıxsa, insan başına çip daxil etmək üçün ilk əməliyyat 2024-cü ilin yayında baş tutacaq.
Hələlik alimlər texnologiyanı yalnız heyvanlar üzərində sınaqdan keçirirlər. Əvvəllər çip meymunun başına implantasiya edilmişdi — Mask sonradan aparat manipulyatoru olmadan stolüstü tennis oynadığını göstərdi. Sonra Neuralink başqa bir meymunun başında idi — o, düşüncə gücü ilə noutbukun ekranında yazmağı nümayiş etdirdi.
«Neuralink» çipinin hazırlanmasında əsas məqsəd əlilliyi olan insanlara smartfon, kompüter, əlil arabası və digər avadanlıqları idarə etməyə kömək etməkdir. Bunun üçün çip beynin elektrik siqnallarını şərh edir və onları texnika üçün “anlaşılan” əmrlərə çevirir, necə ki, qulaqlıqlar pleyerin elektrik siqnallarını musiqiyə “çevirir”.
