Mobil elektronika üçün prosessor və digər komponentlərin istehsalı üzrə dünyanın aparıcı istehsalçısı Amerikanın «Qualcomm» şirkəti qlobal bazarda smartfonların satışının azalacağını proqnozlaşdırır. Şirkət bunu 2022-ci maliyyə ilinin dördüncü rübü və bütün maliyyə ilinin hesabatında əks etdirən sənaye proqnozunda açıqlayıb.
Dördüncü rübdə «Qualcomm»-un gəliri 22% artaraq 11,4 milyard dollara, xalis gəliri isə 3% artaraq 2,8 milyard dollara çatıb.Şirkətin sentyabrın 25-də başa vurduğu bütün maliyyə 2022-ci il üçün ümumi gəliri 32% artaraq, 44,2 milyard dollar, xalis gəlir isə 43% artaraq 12,9 milyard dollara çatıb.Şirkət bu il makroiqtisadi və geosiyasi vəziyyətin pisləşməsinə baxmayaraq, onun göstəricilərinin yüksəldiyini qeyd edib.
Buna baxmayaraq, «Qualcomm»-un səhmləri maliyyə hesabatlarının dərcindən sonra 6,7% ucuzlaşıb — investorları şirkətin yaxın aylarda smartfon satışlarının gözlənilən azalması ilə bağlı proqnozu məyus edib. “Makroiqtisadi mühitdə mövcud qeyri-müəyyənliyi nəzərə alaraq, biz 3G/4G/5G telefonlarının tədarükü ilə bağlı proqnozumuza yenidən baxdıq” deyə şirkətdən bildiriblər. Əgər əvvəllər 2023-cü maliyyə ilinin birinci rübündə regionda 12-14 milyard dollar satış gözləyirdisə, indi 9-10 milyard dollardır.
