«SamMobile» portalı öz mənbələrinə istinadən «Samsung»-un cihazları yenilənmiş One UI 5.0 istifadəçi interfeysi ilə birlikdə «Android 13»-ə yeniləmək planlarını paylaşıb. Belə ki, ilin sonuna qədər 10 qabaqcıl qurğu və bir orta səviyyəli modelin sahibləri ən son ƏS-ni əldə edəcəklər.
Mövcud məlumatlara əsasən, bu ilin sonuna qədər aşağıdakı Samsung cihazları Android 13-ə yenilənəcək:
Galaxy S22
Galaxy S22+
Galaxy S22 Ultra
Galaxy S21
Galaxy S21+
Galaxy S21 Ultra
Galaxy Z Fold4
Galaxy Z Flip4
Galaxy Z Fold3
Galaxy Z Flip3
Galaxy A53
Hazırda One UI 5.0 istifadəçi interfeysi ilə Android 13 əsasında proqram təminatı artıq sınaqdan keçirilir, lakin Samsung stabil versiyanın buraxılış tarixini açıqlamayıb. Qeyd edək ki, bu ildən başlayaraq Cənubi Koreya şirkəti flaqmanları və orta səviyyəli cihazları üçün dörd əsas yeniləməni buraxmağı və buraxıldığı tarixdən beş il ərzində təhlükəsizlik yamaqlarını təqdim etməyi vəd edib. Ötən ilki flaqmanlar da bu qərarın altına düşür.
