İstifadəçilər «macOS» üçün «Firefox»-un sınaq versiyasında şəkillərdə mətnin köçürülməsi kimi yeni faydalı funksiya aşkar ediblər.“Apple” və “Google” şirkətləri “Android” və “iOS” sistemlərində oxşar yenilik tətbiq ediblər və indi bu funksiya fərdi kompüterlərdə də mövcud olacaq.
Yeni funksiya defolt olaraq Firefox Nightly-də aktivləşdirilib. Onu istifadə etmək üçün istədiyiniz şəklin üzərinə sağ klikləyin və sonra görünən kontekst menyusunda “Şəkildən mətni kopyalayın” seçin. Tanınmış mətn ekranda göstəriləcək və sonradan yapışdırmaq üçün avtomatik olaraq mübadilə buferinə kopyalanacaq.
Yenilik macOS 10.15 və ya daha yeni ƏS versiyası olan kompüterlərdə mövcuddur. Qeyd olunur ki, “Firefox” “Apple” şirkətinin təklif etdiyi “VNRecognizeTextRequestRevision2” APİ-dən mətnin tanınması funksiyasından istifadə edir. Tezliklə bu funksiya «Windows» kompüterlərində görünəcək, burada bunun üçün «Microsoft»-un oxşar «Windows.Media.Ocr» API alətindən istifadə olunacaq.
Sınaqdan sonra funksiya brauzerin stabil versiyasında əlçatan olacaq.
