Real kiberhücumlarda istifadə edilən “Google Chrome” brauzerində ciddi boşluq aşkar edilib.”Anti-Malware” portalı xəbər verir ki, korporasiya artıq bu problemin aradan qaldırıldığı məşhur brauzerin yeni versiyasını buraxıb.
Bir qayda olaraq zəifliklərindən istifadə edərək kibercinayətkarlar proqramları sıradan çıxara, zərərli kodları işə sala və quraşdırılmış təhlükəsizlik proqram təminatından yan keçə bilərlər.
Şirkətin bildirdiyinə görə, hücum edənlər problemi bilib və bundan öz xeyirlərinə istifadə ediblər. Bunu Avast Threat Intelligence mütəxəssisləri aşkar ediblər.
Boşluğu aradan qaldırmaq üçün Google 103.0.5060.114 nömrəsi altında Windows, macOS və Linux əməliyyat sistemləri ilə işləyən qurğular üçün Chrome brauzerinin yeni versiyasını buraxıb. Şirkət nümayəndələri istifadəçilərə brauzeri yeniləməyi tövsiyə ediblər.
Əvvəllər “Google Chrome”-da brauzerin daxilində istifadə edilən animasiya funksiyası ilə bağlı boşluq aşkar edilmişdi. Onun köməyi ilə təcavüzkarlar uzaqdan qurbanların cihazlarına daxil ola və onlara zərərli kodlar işlədə bilərdilər. 2021-ci ildə Google rekord sayda sıfır gün boşluqlarını düzəltdi.
