HMD Global tərəfindən buraxılış üçün hazırlanan iki yeni smartfonun xüsusiyyətlərinə dair şəkillər və məlumatlar var.Qurğulardan biri «Nokia X21 5G» adı altında görünür, ikincinin isə «Nokia G» ailəsinə daxil olacağı gözlənilir, lakin onun dəqiq təyinatı hələ açıqlanmayıb.
Bildirilir ki, «Nokia X21 5G» 120 Hz yeniləmə tezliyi və Full HD+ həlli ilə 6,7 düymlük OLED ekrana sahib olacaq. İddiaya görə, Zeiss optikası olan arxa kameraya 64 meqapiksellik əsas sensor, geniş bucaqlı optika ilə 13 meqapiksellik vahid və ToF sensoru daxil olacaq.
Yeniliyin “ürəyi” Qualcomm Snapdragon 695 prosessoru olacaq.Çipdə 2,2 QHs-ə qədər takt tezlikli səkkiz Kryo 660 hesablama nüvəsi, Adreno 619 qrafik sürətləndiricisi və Snapdragon X51 5G mobil modemi var. Akkumulyatorun tutumu 5000 milliamper/saatdır, lakin sürətli şarj haqqında məlumat yoxdur.
Qurğu müvafiq olaraq 128 və 256 QB fləş yaddaşla təchiz edilmiş 6 və 8 QB əməli yaddaşa malik versiyalarda təqdim olunacaq. Əməliyyat sistemi Android 12-dir.
Yeni Nokia G seriyalı smartfona gəldikdə (ikinci şəkildə), o, 120Hz ekrana, 50 meqapiksellik əsas kameraya və 5G modemli prosessora malik olması ilə hesablanır.
