«Apple» dünyanın ən dəyərli brendi adını yenidən qazanıb.Bloomberg Kantar BrandZ-in araşdırmasına istinadən yazır ki, üç il ardıcıl olaraq bu titul Amazona məxsus olub. “Apple” sonuncu dəfə 2015-ci ildə ən qiymətli brendlər reytinqində birinci yerdə olub.
Bu il iPhone istehsalçılarının təxmini brend dəyəri 947 milyard dollara çatıb.Amazon isə öz növbəsində reytinqdə üçüncü yerə düşüb. Onun ticarət nişanı 706 milyard dollar dəyərində qiymətləndirilir.Reytinqin ikinci pilləsində 820 milyard dollar dəyərində olan Google qərarlaşıb.
Fransanın LVMH SE şirkətinə məxsus moda brendi Louis Vuitton ilk dəfə olaraq dünyanın ən dəyərli 10 markası sırasına daxil olub. Təxmini dəyəri 124,2 milyard dollar olmaqla, reytinqdə 10-cu yerdədir. Son illərdə brendin dəyəri 64% artıb.
