«Nokia»-nın rəhbəri Pekka Lundmark klassik mobil cihazların gələcəyi ilə bağlı maraqlı müsahibə verib. O bildirib ki, tanış smartfonlar erası tezliklə başa çatacaq — onlar daha çox texnoloji həllərə yol verməli olacaqlar.
Top-menecerin sözlərinə görə, istifadəçilər kommersiya 6G şəbəkələri istifadəyə verildikdən sonra 2030-cu ildə öz adi qadcetlərindən imtina etməyə başlayacaqlar. Lundmark hesab edir ki, o vaxta qədər bir çox insanlar klassik smartfonlara alternativ olaraq smart eynəklər və hətta implantasiya edilə bilən çiplər kimi taxıla bilən elektronikadan istifadə edəcəklər.
Brend bu cür avadanlıqları buraxmağı planlaşdırırmı, rəhbəri dəqiqləşdirməyib. Daha əvvəl dərc edilmiş maliyyə hesabatına əsasən, satıcının 2021-ci ildə xalis mənfəəti 1,623 milyard avro, əməliyyat gəliri isə illik müqayisədə 1,6% artaraq 22,202 milyard avro təşkil edib.
Əvvəllər “Nokia”nın nümayəndələri yeni flaqmanların hazırlanmasından imtina etdiklərini bəyan etmişdilər – bu yaxınlarda brend əsas diqqəti düyməli qurğulara və ucuz Android smartfonlarına yönəldib. Bundan əlavə, ilin əvvəlində 12-ci nəsil Intel prosessorlu Nokia PureBook Pro noutbuku təqdim edildi.
