Ginnesin rekodlar kitabına dünyanın ən böyük robototexnika yarışması kimi düşən «VEX Robotics World Championship 2022»-də Azərbaycan komandası göstərdiyi nəticələrə görə divizionun «Energy Team» kubokunu qazandı !!!
ABŞ-da keçirilən yarışlarda 50-ə yaxın ölkədən 4800 komanda, 15.000-ə yaxın şagird iştirak edirdi. Komandamız yarışdığı divizionda 20 ən yaxşı komanda siyahısına daxil olaraq final oyunlarına qatıldı. Ümumi ballar nəticəsində təcrübəli komandaları geridə qoyaraq komandamız 6-cı yerdə qərarlaşdı.
Qeyd edək ki, Azərbaycan ilk dəfə olaraq Təhsil Nazirliyinin dəstəyi ilə VEX robototexnika üzrə dünya çempionatında təmsil olunurdu.
