«Counterpoint Technology Market Research» bildirir ki, 2021-ci ilin son rübündə qlobal «ağıllı» saat tədarükləri 40 milyondan çox tədarüklə yeni rüblük rekorda imza atıb.
Qeyd olunur ki, 2020-ci ildə pandemiya səbəbindən smart saatlara tələbat praktiki olaraq artmayıb. Bununla belə, keçən il satışlar dörddə bir — 24% artıb. Buna, xüsusən də «100 dollardan aşağı» qiymət kateqoriyasındakı cihazlara yaxşı tələb kömək etdi.
«Apple» bazar lideridir, lakin şirkətin mövqeyi rəqiblərin təzyiqi altında zəifləyir. Beləliklə, “alma” imperiyasının payı 2020-ci ildəki 32,9%-dən 2021-ci ildə 30,1%-ə qədər azalıb.
Cənubi Koreya nəhəngi Samsung ikinci yerdə qərarlaşıb: il ərzində şirkət öz mövqeyini 8,9%-dən 10,2%-ə qədər möhkəmləndirib. İlk üçlüyü il ərzində payı 10,7%-dən 7,7%-ə qədər azalan Çinli Huawei şirkəti qapayır.
Ən böyük bazar oyunçularına imoo,Amazfit,Garmin,Fitbit,Xiaomi və Noise daxildir. Ümumilikdə, ən yaxşı doqquz satıcı birlikdə qlobal ağıllı saat bazarının təxminən 73%-ni təşkil edir.
