«Samsung» şirkəti 6,6 düymlük displey və 50 MP kameralı iki yeni orta səviyyəli «Galaxy M23» və «Galaxy M33» smartfonlarını təqdim edib.
Hər iki smartfon 60Hz yeniləmə tezliyinə malik 6,6 düymlük Full HD LCD displey və 8 meqapiksellik selfi kameraları, həmçinin 50 meqapiksellik əsas kameralar, 8 meqapiksellik ultra geniş bucaqlı modullar və 2 meqapiksellik dərinlik sensorları ilə təchiz edilib
«Galaxy M33» 6000 mAs batareya, əlavə 2 MP makro obyektiv və 6/8 GB operativ yaddaş, Galaxy M23 isə 5000 mAs batareya və 4 GB RAM ilə təchiz edilib.
Müqayisə üçün, keçən ilki Galaxy M22 və Galaxy M32 müvafiq olaraq 720p və 1080p-də 6,4 düymlük 90Hz Super AMOLED displeylərə malikdir.
Təəssüf ki, «Samsung» hələ «Galaxy M23» və «Galaxy M33» üçün qiymətləri açıqlamayıb, lakin onlar Avropa və Hindistanda satılacaq.
