“Lenovo” “ThinkPad” noutbukları xəttini genişləndirdiyini elan etdi. Alder Lake və GeForce RTX 3080 Ti əsasında ThinkPad X1 Extreme Gen 5 adlı yeni cihaz yaxın vaxtlarda bazara çıxarılacaq.
Maksimum performans üçün nəzərdə tutulmuş iş noutbuku 125 Vt-a qədər enerji sərfiyyatı ilə “Intel Core i9 H” seriyalı (Alder Lake) prosessoruna malikdir. Yeni məhsul noutbuklar üçün ən son NVIDIA GeForce RTX qrafik prosessorlarını dəstəkləyir – söhbət “RTX 3080 Ti”-dən gedir. Sistem 64 GB-a qədər DDR5 yaddaşı və 8 TB-a qədər SSD yaddaşı ilə təchiz oluna bilər.
“Lenovo” iddia edir ki, böyük buxarlanma kamerası, iki fanat və maye metal termal interfeysi olan təkmil soyutma sistemi performansı 10%-ə qədər yaxşılaşdıra bilər. 16 düymlük 16:10 displeylər 4K təsvir ölçüsünə və 165Hz yeniləmə tezliyinə, Dolby Vision və toxunma dəstəyinə malik panellər şəklində təqdim ediləcək. Lenovo ThinkPad X1 Extreme Gen 5 iyun ayında 2049 dollardan başlayan qiymətlərlə satışa çıxarılacaq.
Bundan əlavə, ThinkPad T16, ThinkPad T14s Gen 3 və T14 Gen 3 üçün yeni noutbuklar təqdim edildi.Bunlar inteqrasiya olunmuş qrafika ilə 12-ci nəsil Intel Core və AMD Ryzen Pro 6000 Series bazasında daha az məhsuldar cihazlardır. ThinkPad T14 Gen 3 və T16 aprel ayında Intel modelləri üçün müvafiq olaraq 1399 və 1419 dollardan satışa çıxarılacaq. AMD əsaslı versiyanın qiymətləri 1299 dollardan başlayır.
Qrupa digər yeni əlavələr arasında 16:10 tərəf nisbəti və 2240×1400 IPS panelli dünyanın ilk 14″ mobil displeyi və yüngülçəkili ThinkBook 14s Yoga Gen 2 və ThinkBook 13s Gen 4 noutbukları daxildir. Ekran iyul ayında satışa çıxarılacaq. Apreldə 299 dollar və noutbuklar 849 dollardan başlayır.
