“Gartner” analitik şirkəti yaxın illərdə metaverse konsepsiyasının inkişafı ilə bağlı proqnoz açıqlayıb: analitiklərin fikrincə, belə platformalar sürətlə inkişaf edəcək, lakin texnologiya hazırda tətbiqin ilkin mərhələsindədir.
“ICTinfo.az” “3dnews.ru” resursuna istinadən bhildiri ki,”Metaverse” insanların öz avatarları vasitəsilə bir-biri ilə və rəqəmsal obyektlərlə qarşılıqlı əlaqədə ola biləcəyi daimi işləyən virtual məkandır.”Metaverse”yə qoşulmaq üçün kompüterlər, planşetlər, virtual, genişlənmiş və qarışıq reallıq dəbilqələri və digər qadcetlərdən istifadə etmək olar.
Gartner proqnozlaşdırır ki, 2026-cı ilə qədər dünya əhalisinin dörddə biri (25%) metaversedə gündə ən azı bir saat keçirəcək. İstifadəçilər müxtəlif alış-verişlər edə, komanda işlərini yerinə yetirə, bir-biri ilə ünsiyyət qura və s.
Bundan başqa, belə platformalar əsasında təhsil xidmətləri və müxtəlif əyləncə xidmətləri fəaliyyət göstərəcək.
Metaverse konsepsiyası işəgötürənlər üçün yeni imkanlar açacaq. Şirkətlər tapşırıqları uzaqdan yerinə yetirmək üçün immersiv effektlə virtual ofisləri yerləşdirə biləcəklər.
Eyni zamanda, analitiklər xəbərdarlıq edirlər ki, sənaye parçalanmışdır və buna görə də onun iştirakçıları metaversedə investisiyalara ehtiyatla yanaşmalıdırlar.
