“Xiaomi” “Redmi 10” xətt smartfonlarını hələ 2020-ci ildə təqdim edilsə də,tezliklə bu xətt yeni cihazla tamamlana bilər. Onlar ABŞ-ın Federal Rabitə Komissiyası (FCC) tərəfindən sertifikatlaşdırılmış və 220233L2C model nömrəsi ilə “Geekbench” verilənlər bazasında işıqlandırılan “Redmi 10A”-da olacaq.
“Geekbench”-in məlumatına görə, cihazın Çin versiyasına uyğun gələn 220233L2C model nömrəli “Xiaomi” smartfonu “Helio G25” marketinq adı ilə tanınan “MediaTek MT6762G” çipsetinin əsasında qurulacaq. 2 QHs takt tezliyinə malik səkkiznüvəli prosessor 4 QB əməli yaddaşla birlikdə işləyəcək. Proqram platforması “Android 11”-dir.
FCC məlumat bazası smartfonun qlobal versiyasına aid olan 220233L2G model nömrəli Redmi 10A haqqında əlavə təfərrüatları açıqlayır. Bildirilir ki, qurğu 13 meqapiksellik əsas və 2 meqapiksellik köməkçi sensorlardan ibarət ikili arxa kamera alacaq. İstifadəçini müəyyən etmək üçün barmaq izi sensorundan istifadə olunacaq.”Redmi 10A” beş variantda təqdim olunacaq: müvafiq olaraq 2/32, 3/32, 3/64, 4/64 və 4/128 GB RAM və yaddaşla. Yenilik qutudan kənarda MIUI 12.5 interfeysindən istifadə edəcək.
Smartfonun təqdimat tarixi və təxmini qiyməti hələlik məlum deyil.
