«OnePlus» artıq ötən il təqdim edilmiş «Nord 2» və «Nord 2 Pac-Man Edition» smartfonlarına malikdir. OnLeaks kimi tanınan nüfuzlu insayderin bildirdiyinə görə, «OnePlus» «Nord 2T» modeli buraxılmağa hazırlanır.
Cihaz səkkiznüvəli «MediaTek Dimensity 1300» prosessoru alacaq.LPDDR4X operativ yaddaşının həcmi 6, 8 və ya 12 GB, UFS 3.1 fləş sürücüsünün tutumu 128 və ya 256 GB təşkil edəcək.
Söhbət 2400 × 1080 piksel təsvir ölçülü və 90 Hz yeniləmə tezliyi ilə 6,43 düymlük Full HD + Fluid AMOLED displeyin mövcudluğundan gedir. İddiaya görə, 32 meqapiksellik kamera ön tərəfdə yerləşəcək. Üçlü arxa kameraya 50, 8 və 2 milyon piksel üçün sensorlar daxil olacaq.
Güc 80 Vt SuperVOOC sürətli şarjı dəstəkləyən 4500 mAs batareya ilə təmin ediləcək. Yenilik bazara «Android 12» bazasında «OxygenOS 12» əməliyyat sistemi ilə çıxacaq.
Ekranda barmaq izi skaneri, stereo dinamiklər, Wi-Fi 6 802.11ax və Bluetooth 5.2 adapterləri, NFC nəzarətçi və USB Type-C portu olacaq.
«OnePlus Nord 2T»-nin rəsmi təqdimatı fevral ayında gözlənilir.
