«SellCell» analitik şirkəti smartfonların bazar qiymətlərinin dinamikası ilə bağlı araşdırma aparıb.Mütəxəssislər qiymətini daha çox saxlayan qurğuların reytinqini hazırlayıb.
«ICTinfo.az» «4Pda.ru» resursuna istinadən bildiri ki,bu reytinqin lideri «iPhone 12 Pro Max» olub.İl yarım ərzində qurğu satışa başlanması ilə müqayisədə qiymətinin cəmi 31,7%-ni itirib. Oxşar nəticəni «iPhone 12» və «iPhone 12 Pro» modelləri göstərib ki, bu da müvafiq olaraq 34,3% və 33,8% dəyər itirib. Dördüncü sıranı «iPhone 12 mini» tutur, onun sahibləri alış məbləğinin 43,8%-ni itirib. İlk beşliyi 49,8% göstərici ilə «Google Pixel 5» qapayır.
«Motorola» və «LG» cihazları siyahının autsayderləri adlandırılıb.2019-cu ildə təqdim olunan «Motorola One Hyper» ilkin qiymətini 85,7% itirən ən çox qiymət itirən qurğu adlandırılıb.Buna «Motorola Razr» (85,3%), «LG Velvet 5G» (84,1%), «Motorola One 5G» (83,8%) və «LG V60 ThinQ» (82,8%) yaxınlaşıb.
