Ölkənin üç ən böyük bankı da daxil olmaqla 70-ə yaxın Yapon şirkətindən ibarət konsorsium yen əsaslı rəqəmsal valyutanı sınaqdan keçirmək planlarını açıqladı.Ardınca 2022-ci maliyyə ilində rəsmi satışa çıxarılacaq.
İlkin olaraq DCJPY adlandırılan rəqəmsal valyuta bank depozitləri ilə dəstəklənəcək və irimiqyaslı əməliyyatları sürətləndirəcək və şirkətlər arasında ödənişləri sadələşdirəcək vahid platformadan istifadə edəcək. Mitsubishi UFJ Financial Group, Mizuho Financial Group və Sumitomo Mitsui Financial Group-un daxil olduğu konsorsium rəqəmsal ödənişlər üçün vahid hesablaşma infrastrukturunun qurulması yollarını müəyyən etmək üçün keçən ildən mütəmadi görüşlər keçirir. Konsorsiumun üç böyük bankı öz ödəniş sistemlərini təqdim edib, lakin onlar bu təşkilata daxil olmayan SoftBank-a məxsus PayPay xidmətinin həllərindən geri qalırlar.
Bununla belə, konsorsiuma digər kredit təşkilatları, o cümlədən Japan Post Bank, broker evləri və sığorta şirkətləri, habelə maliyyə sektorundan kənar təşkilatlar daxildir: Nippon Telegraph and Telephone Corp, Kansai Electric Power və East Japan Railway. Onlardan bəziləri test layihələrində iştirak edəcək — sınaqlar zamanı enerjidən tutmuş pərakəndə satışa kimi müxtəlif sənaye sahələrində rəqəmsal valyutanın istifadəsi qiymətləndiriləcək. Bu təcrübə rəsmi rəqəmsal valyuta olan CBDC-nin tətbiqini nəzərdən keçirən Yaponiya Bankının pilot layihəsinə təsir göstərə bilər.
Qeyd edək ki, yaponlar hələ də ölkədə əsas ödəniş vasitəsi olaraq qalan nağd puldan istifadəyə üstünlük verirlər. Buna baxmayaraq, hakimiyyət nağdsız ödəniş formalarını təşviq etməyə çalışır.
