Amerikanın maliyyə və iqtisadi jurnalı “Forbes” dünya tarixinin ən zəngin adamını açıqlayıb.Bu, 272,3 milyard dollar sərvətlə “Tesla” və “SpaceX”-in qurucusu İlon Maskdır.
Maraqlıdır ki, “Forbes”-in məlumatına görə, 2021-ci il sentyabrın 28-də İlon Maskın kapitalı 203,4 milyard dollar olub və hazırda bu məbləğ 272,3 milyard dollara çatıb. Bu sıçrayış “Tesla” səhmlərinin qiymətinin kəskin artması ilə bağlıdır, çünki bu həftənin əvvəlində onların artımı 13%-i keçib. Bu, şirkətə 1 trilyon dollarlıq bazar dəyəri təmin etdi və bir gündə Maskın sərvətinə 41 milyard dollar əlavə etdi.
Daha sonra adı “Tesla” olaraq dəyişdirilən “Tesla Motors” 2003-cü ildə yaradılıb və əvvəlcə yalnız elektrik avtomobilləri istehsal edib. Bu yaxınlarda şirkət öz fəaliyyət dairəsini genişləndirərək günəş panelləri, eləcə də digər enerji saxlama sistemlərinin istehsalına başlayıb.
Dünyanın ən varlı adamlarının reytinqinə gəlincə, Forbes-in məlumatına görə, Muskdan sonra Amazon şirkətinin rəhbəri Ceff Bezos, üçüncü yeri isə Fransanın LVMH şirkətlər qrupunun baş direktoru Bernard Arno (Louis Vuitton Moet Hennessy) tutur. Dördüncü və beşinci yerləri “Microsoft”un yaradıcılarından biri Bill Qeyts və “Facebook”un rəhbəri Mark Zukerberq tutur.
