Çinli istehsalçı potensial alıcılara «Huawei P50 Pro» smartfonlarını əvvəlcədən sifariş etmək imkanı verdi.»ICTinfo.az» «Dni24.com» resursuna istinadən bildirir ki,bu mobil qurğular indi ağ,qara, çəhrayı, qızıl və mavi tonlarında təklif olunur.»Huawei P50 Pro» ən yaxşı kamera telefonu olaraq tanınır.Qurğu iki reytinq kateqoriyasında rəqiblər arasında ən çox bal topladı.İndi Çin vətəndaşları 15 dollar ödədikdən sonra bu smartfonları əvvəlcədən sifariş edə bilərlər. Çin istehsalçısı 8-12 GB RAM və 128-512 GB daxili yaddaşa sahib versiyaları təqdim edir. Smartfonların qiyməti 927-1313 dollar arasında dəyişir.
«Huawei P50 Pro»-nun 12 GB RAM və 512 GB daxili yaddaşa sahib olan kolleksiya versiyası ən yüksək qiymətə malikdir. Cihazlar HarmonyOS 2.0 ilə təchiz edilmişdir. Smartfonlar konfiqurasiyadan asılı olaraq 120 Hz yeniləmə sürətinə malik 6.6 düymlük ekran və Kirin 9000 və ya Snapdragon 888 prosessorları ilə təchiz edilib. «Huawei P50 Pro 66W simli şarj və 50W simsiz şarj cihazı, iki dinamik, su mühafizəsi dəstəyi ilə 4360 mAh batareyaya malikdir. Smartfon yüksək keyfiyyətli şəkillər çəkməyə imkan verən görüntü sensorları olan bir video kamera aldı.
