Çinin “Lenovo” şirkətinin “Go Wireless Charging Kit” adlı qurğusu müxtəlif model noutbukları simsiz enerjidoldurma funksiyası ilə təchiz edəcək.Oktyabrda satışa çıxarılacaq “Go Wireless Charging Kit” qurğusunun qiyməti 140 dollar olacaq.Bu halda smartfonlarda olduğu kimi “Qi” standartından deyil, digər texnologiyadan istifadə edilir.“ICTinfo.az” “ferra.ru” resursuna istinadən yazır ki, “Energy Square” şirkəti tərəfindən hazırlanan yeni texnologiya “Power by Contact” adlanır.Noutbuklar üçün “Lenovo” simsiz enerjidoldurma dəsti 3,2 mm qalınlığında metal enerjidoldurma panelindən və uzun simsiz qəbuledicidən ibarətdir. Panel rozetkaya qoşularaq masa üzərində yerləşir, qəbuledici isə noutbukun altına bərkidilir və “USB-C” çıxışı vasitəsilə enerjidoldurma portuna qoşulur.
“Lenovo” nümayəndələrinin sözlərinə görə, qurğu “Windows” əməliyyat sistemli 13 və 14 düymlük və ya sensor ekran və 65 vatt həddində istilik paketinə malik prosessorlarla təchiz edilməyən “macOS” sistemli əksər noutbuklarla uyğunluq təşkil edir. Belə simsiz enerjidoldurmanın səmərəliliyi 93 faizə bərabərdir.
