“Windows” və “macOS” üçün abunəsiz “Office” ofis proqramları paketi bu il əlçatan olacaq.”Microsoft”dan verilmiş məlumata əsasən,yeni paket üçün müddətsiz lisenziyanı gələn ilin ikinci yarısında birdəfəlik ödəniş vasitəsilə satın almaq mümkün olacaq.”ICTinfo.az” “vesti.ru” saytına istinadən yazır ki, indi yalnız “Microsoft 365″ə (əvvəlki “Office 365”) abunə olmaqla “Office”in ən yeni versiyalarına giriş əldə etmək mümkündür. Abunəyə son funksiyalara malik “Word”, “Excel”, “PowerPoint”, “Outlook” və başqa proqramlara tam giriş, “OneDrive” bulud sistemində 1 TB, “Skype”da mobil və şəhər telefonlarına 60 dəqiqəlik zəng, həmçinin virus və fişinq xarakterli hücumlardan qorunmaq üçün alətlər daxildir.
