“Apple” şirkəti yaxın gələcəkdə böyük ekranlı planşet buraxa bilər. “ICTinfo.az” “Lenta.ru” resursuna istinadən yazır ki, şirkət böyük ekrana – 14-16 düym diapazonuna malik “iPad” üzərində iş aparır. Beləliklə, “Apple” noutbuk istifadəçilərinin bir hissəsini planşetlərə keçirmək konsepsiyasına sadiqlik nümayiş etdirir. Mütəxəssisin fikrincə, böyük ekranlı planşetlərin 2022-ci ildə buraxılacağını gözləməyə dəyməz.
Yaxın iki ildə ABŞ şirkəti 12,9 düym diaqonallı “iPad Pro” planşetlərini inkişaf etdirəcək. Lakin fərdi kompüterləri əvəzləyəcək məhsuldar planşetlərin buraxılış trendi göz qabağındadır.Yayın əvvəlində bloger Zak Nelson yeni “iPad Pro” planşetini test edərək “Apple” mühəndisləri tərəfindən qurğunun korpusunun möhkəmləndirilməsini aşkarlayıb. O vurğulayıb ki, əvvəllər ABŞ korporasiyasının istehsalı olan planşetlər əyilmə zamanı sınırdı.
