“WhatsApp” messencerində pulköçürmələri xidməti istifadəyə verilib.“ICTinfo.az” “iz.ru” saytına istinadən yazır ki, yeni funksiya hələ ki yalnız braziliyalı istifadəçilərə əlçatandır.“Mastercard” ödəmə sistemini dəstəkləyən “Nubank” və “Sicredi” bank kartlarının sahibləri ölkədə yeni xidmətin üstünlüklərini qiymətləndirən ilk şəxslər olublar. Məlumdur ki, yeniliyin köməyilə kiçik müəssisələr messencer üzərindən öz satışlarını həyata keçirə biləcəklər.
Yeni funksiya pulköçürmələrinin təhlükəsizliyini təmin edən “Facebook Pay” ödəmə sistemi sayəsində reallaşdırılıb. Sözügedən ödəmə sistemi 2019-cu ilin noyabrında sosial şəbəkədə istifadəyə verilib. Həmçinin Zukerberq bir sıra tərəfdaşlara təşəkkür edib.
