Hər iki qurğu 6,4 düymlük ekrana və əsas 45 meqapiksellik obyektivə malikdir, amma “YouTube” və “Google”un başqa proqramları nəzərdə tutulmayıb.“ICTinfo.az” “ferra.ru” saytına istinadən yazır ki, xatırladaq ki, ABŞ hakimiyyəti tərəfindən qoyulmuş məhdudlaşdırıcı tədbirlərə görə Çin istehsalçısı yeni qurğulara “Google” axtarış sisteminin xidmətlərini quraşdırmaq hüququndan məhrum edilib. Bu səbəbdən “P40 lite” və “lite E” smartfonlarına “Huawei” şirkətinin “Huawei Mobile Services” mobil xidməti və “AppGallery” mobil tətbiqlər mağazası quraşdırılıb.
“P40 lite” əsas 48 mp-lik obyektiv və 8 mp-lik makroçəkiliş (4 sm məsafədən) rejiminə malik genişbucaqlı kamera ilə təchiz edilib. “Super Night Mode” gecə rejimində ştativdən istifadə etmədən gecə vaxtı çəkiliş etmək olar. Smartfon “Full HD ” təsvir ölçülü displey, “Mali-G52 MP6” qrafikasına malik ötənilki 7 nm-lik “Kirin 810” prosessoru, həmçinin 8 QB əməli yaddaşla təchiz edilib. “SuperCharge” (40 vatt) texnologiyası 4200 milliamper/saat tutumlu akkumulyatora 30 dəqiqə ərzində 0-dən 70%-dək enerji toplamağa imkan verəcək.
Daha ucuz model olan “P40 lite” smartfonu üç kamera ilə təchiz edilib: eyni iki obyektiv və portret çəkilişi üçün 2 mp-lik dərinlik sensoru. 8-mp-lik ön kamera sifəti tanıyaraq blokdan çıxarmaq üçün “Face Unlock 2.0” funksiyasını dəstəkləyir. “E” versiya HD təsvir ölçülü ekran, “Kirin 710F” çipi və 4000 milliamper/saat tutumlu batareya ilə təchiz edilib.
